Sunday, 26 July 2009

Пөөх, Паах, Пээх... Ёох...

—Эрдэм алтан медалтай төгссөн хүн шүү дээ, би!
—Пөөх!
—Бас авъяас алтан медалтай!
—Паах!
—Хими, физик, тоогоороо эрдэм алтан медал аваад, сагсан бөмбөгөөрөө мундаг байсан болохоор арван жилээ төгсөхдөө авъяас алтан медал авсан.
—Пээх!
—Намайг чинь манай сургуулийн бүх багш нар булаацалддаг. Багш болгон олимпиадад бэлдэх гээд л гуйгаад, сургуулиа төгсөөд химиэр яв, физикээр яв, бие тамирын багш болохоор сагсаараа яв гээд л гуйгаад байдаг байсан.
—Ёох! Aлчих юм аа чи!...Чиний тухай тэгвэл бичнээ...
—Тэгэхгүй юу? Та тэгэхдээ өөрийгөө бас бичээрэй. Хамуутай юмшиг шилбээ маажаад л...
—За, за, за.... Ийнхүү маягаар Минжээ бид хоёр наадмын өмнөхөн нэгэн паабанд ярилцаж суулаа. Их халуун өдөр байсан тул би шоорт өмссөн байв. Тэгээд пөөх, паах, пээх...ёох гэсээр би нүцгэн шилбээ маажиж зөөлөн буйдан дээр сууж байсан юм.
—Бичсэнийг нь уншихаар нүд бүлтийлгэж, ам ангайлгачихдаг байж, уулзахаар маанаг хүн шиг ёох, ёох алчих юмаа гэхээс өөр юм хэлдэггүй хүн байна ш дээ.
—Хэхэхэ...би ярихдаа муу—
—Тэгвэл бичээрэй
—За
—Эсвэл ах жаахан бишүүрхээд байна уу? Анх уулзаад жаахан бишүүрхээд байх шиг байна даа, тийм үү?
—Хм...
—Ахаар жаахан юм яриулья гэсэн чинь, би л яриад байх юм. Жаахан бишүүрхээд л байх шиг байна даа...
—Хэхэхэ...
—Би уул нь таньтай уулзаж монголын нийгэм, улс төрийн талаар жаахан ярилцъя гэсэн юм.
—Яая!... Алчих юмаа! гээд би толгойгоо маажтал ширүүн харцтай тулгарав!
*
Тэр өдөр над руу Минжээ залгаад уулзая гэхэд нь би шууд за гээгүй юм. Бараг танихгүй жаахан охинтой чинь би юу ярих билээ дээ.
—Үгүй ахын дүү, ах нь жаахан завгүй байна гэтэл
—Би таньтай өнөөдөр л уулзая гэсэн юм. Гэж нэлээн гомдонгуй хэлэх шиг болоход нь бас айлын охиныг гомдоочих юм болов уу гээд уулзсан маань энэ. Очоод уулзтал тэр гялалзсан хар гутал, шугам шиг индүүдсэн хар өмд, офиссын шоотой цамц өмссөж, лаг чамин бугуйн цаг зүүж, лаг гоё үнэртэй ус ханхлуулчихсан зогсож байдаг юм байна. Хамуутай нохой шиг хувцасласан өөрөөсөө би ичсэн гэж. Энэ хүүхнүүд үү киноны баатар шиг, эршүүд хоолойгоор:
—За та сайн байна уу? гээд Минжээ гараа сунгахад нь би:
—За сайн гээд, гялс гараа сунгаад, гялс буцааж авлаа.
—Хоёулаа ийшээ зугаалах уу? Гараа тосон заагаад, Эсвэл нэг газар орж суух уу? гэж байна. Нэг газар орж сууя гэж би дуун дээр нь хэллээ.
—Тэгвэл би ийшээ гэр лүүгээ ороод мөнгөө авчихаад гараад ирье
—Өө тэрэнд санаа зоволтгүй. Ганц ганц пийв уухад ах нь даачихна гэтэл:
—Ганц ганц болохоор нь дааж байгаа юм уу? гэж байна.
—Хэхэхэ... Ямар хэгжүүн охин бэ гэж би дотроо бодов.
*
Пийв уунгаа ярилцтал Минжээ нэлээн айхтар, эрдэм номын араас явсан охин болох нь илтээ. Бизнесын чиглэлээр суралцаж байгаа, бас part-time-аар нэг офисст ажилладаг тун сүрхий охин аж. Мөн 8 сарын 5-наас Shepherd bush-ын Argos-ын хажууд Лхагва, Пүрэв гарагт ажилладаг монгол хоолны зоогын газар ажиллуулах гэж байгаа гэнэ. Тэнд нь үйлчлүүлэгчид нь гаднаас архи, дарсаа авч орж болох юм гэнэ.
—Ах Хамбын араас чулуу шидээд л гэхэд нь би түүнийг надтай яагаад уулзсан болохыг таасан юм. Тэрбээр өөрийн блогтой юм байна.
—Надад сайхан санагдсан болохоор би бусадтай хуваалцая гээд одоо нэг ном орчуулж байгаа. Түүнийгээ блог дээрээ тавьдаг. Нэр хүнд, карьер хөөсөн юм байхгүй ээ дүү чинь...
—Ёоё...
—Уншсан хүмүүс хоосон магтахаас биш, ганц ч олигтой шүүмж бичихгүй шүү.
—Паах... Чи одоо хэдтэй билээ?
—Хорин хоёртой, хорин хоёр ч бараг хүрээгүй яваа хүн шүү дээ би чинь... Пөөх...хорин нэг... Одоогийн бацаанууд аймаар сүрхий юмаа...

Салахдаа тэрээр эр хүн шиг гар барьснаа:
—Ахтай би л эхэлж утасдаж, уулзъя гэхгүй бол ах ямар надтай уулзах биш дээ гэнэ байна.
—Хэхэхэхэ... I felt very privileged.
*

Гэртээ ирээд Минжээгийн блогоор орж орчуулгыг нь үзэж сонирхов. Үнэхээр надад хэлэх алга—алчих юмаа, лаг юмаа гэхээс өөр... Хорин нэгэн насандаа би чинь яаж хүн цохиж унагах вэ гэж өдөр шөнөгүй бодож, айлын охиныг орцонд хоргоон айлгаж зогссон болохоос англи хэлнээс ном орчуулах нь байтугай а, б-гүй явлаа шүү дээ...

Хэрэв Минжээ надаас зөвөлгөө авъя гэж байгаа бол би түүнд бичээд, орчуулаад л бай гэхээс өөр юу хэлэх вэ дээ. Байнгын давталт л чухал. Хэн нэгнээс сайшаал, урамшуулалт хүсэлгүй, давтаад байхад л болчих юмшиг байгаа юм. Ер нь тэгээд зүгээр суухаас зүлгэж суу гэдэг шиг нэгэнт л орчуулаад эхэлсэн юм чинь би-гээ тоож хэнхэг болж, шатчихгүйхэн шиг зүтгүүлээд байхад л болно.

Харин гадаад хэл сурах тухай бол надад нэг үнэмшил байдаг: эх хэлээ зэрэг хөгжүүлвэл саад биш түлхэц болно гэж. Мөн гадаад хэлийг сайн сурвал төрөлх хэлээ эзэмших чадвар ч гэсэн цаагуураа хөгжөөд байдаг юмшиг ээ. Тэртэй тэргүй тархи нь ганц юм чинь, аргагүй ч юмуу. Англи хэл сурахдаа монголоор яаж хэлвэл зүгээр үү гээд л бодоод явбал цаагуураа хөгжөөд байдаг юмшиг.

Би заримдаа ингэж боддог юм гадаа хэлийг төрөлх хэл шигээ, төрөлх хэлээ гадаад хэл шиг шамдан сураад эхэлвэл жинхэнэ хос хэлийг эзэмшлээ гэж хэлж болох юм гэж... (Гадаад хэл сурчихаад, монгол хэлээ мартчихвал, нэгийг нөгөөгөөр солиод ямар тус байх билээ. Ажиглаад байхад манайхан ингэж их алддаг.)

Бичгийн монгол хэлийг эзэмшсэн байхад, гадаад хэл сурсантай л адилхан. За босоо монгол бичгийг уншаад, бичээд сурчихсан байхад ч жинхэнэ гайхамшиг. Даанч би чадахгүй л дээ.

Би бол англи хэлийг сайн сурч чадаагүй. Жаахан уншиж сураад л, шууд л том том номууд бариад хүчиндээд эхэлсэн. Гэхдээ дандаа нэг чиглэлийн олон ном уншсан нь ойлгоход дөхөм болсон. Мөн кассеттай номнууд их уншсан маань чихний бөглөө жаахан онгойлгосон. Харин би бичих дадлага хийгээгүй зөвхөн уншсан болохоор тэр тал дээрээ муу. Одоо жаахан бичдэг л болмоор санагдаад байгаа юм даа. Уг нь энд гурван жил болоод гэв гэнэт л би цоороод англиар шүлэг бичээд эхэлсэн юм. Гэтэл нэг л өөртэй итгээгүй юу? Эсвэл үндсэрхэг зан маань хөдөлсөн үү? Чи англиар бичээд хаа холдох юм бэ? гээд бодсон чинь татарчихсан. (Тэгэхээр энэ бас сэтгэлзүйн асуудал байж таарна.) Уул нь тэр эрчээрээ л яваад байсан бол англиар шүлэг бичиж гавьдаггүй юмаа гэхэд бичгийн хэл маань сайжрах байсан даа...

Үүнтэй адил орчуулга хийж эхэлсэн хүн бол эргэлзэлгүй зүтгээд л бай. Алдаа дутагдлаас айвал хөгжихгүй. Харин ч алдаагаа харах тусмаа баярладаг, би хөгжиж байна гэж бодвол улам л сайжирна л даа... Нээрээ японы нэг каратэ хэлсэн байдаг ш дээ. Хувьсахгүй бол ухралт гэж. Би энэ үгийг байнга л оролдлого хийх нь зүгээр сууснаас л дээр гэж тайлбарладаг юм... За, за нэг иймэрхүү, дутуу орхисон яриаг гүйцээхэд...

2009.07.25
23.01

21 comments:

Oogii said...

хэхэ минжээгийн блогийг сонирхомоор санагдлаа

Олхонууд Д.Лхагвасүрэн said...

Тийм ээ Минжээгийн блогоор орж үзмээр санагдаад байна. Үнэхээр чадвартай сайн охин юм. Харин энэ их урам зориг, эрч хүчийг нь хүмүүс хүндэлж, хайрлаж бас хөгжүүлэхэд нь нэмэр болж байгаасай гэж би хүсэж байна. Ийм залуу насандаа ийм сайхан эрмэлзэлтэй байна гэдэг сайхан боловч энэ сайхан чанар энэ их тэмүүлэл ИХ ЭМЗЭГ байдаг юм байна гэж би боддог. Тийм болохоор ахин хэлэхэд улам хөгжөөрэй битгий цөхрөөрэй гэж Минжээд хэлье :)

Anonymous said...

minjeegiin blog hayag ni ?

Anonymous said...

blog ni ?

eebee said...

neeree bi martsan baina.saya holboos hiilee. hajuud baigaa

Дeстини said...

Cүрхий байна шүү.

Misheel said...

Минжээ айхтар охин шүү, ёстой л хорин насанд бид ямар байлаа даа, Ээбээ пи ар-ыг нь ч сайн хийлээ.

Anonymous said...

HEHEHEHE YER MEDEEGUI YAVJ BGAAD SAYA L NEG HUNEES MEDLEE SHDE TEGSEN YASAN AIMAR HETRUULEGTEI BICHEE VE hehehe

Bayaraa said...

eebee chi pr-iig n uneheer sain hiijee. minjeeg hundeldegiin huvid bi medne shuu amjilt husii

battur.s said...

eebee chi neg l zambaraagui, setgeliin huurluur bicheed baih shig sanagdah yum /bi gej neg yadarsan mal aj ahui sudlaach uhaantai yum aa :) zohiolch bish shuu/.

jishee ni "tarhi ni neg uchir angli hel surlaa gehed mongol ni tsaanaa bas hugjinu" gedeg chini gaigui l sanaa shig. ene gaigui sanaagaa urguulaad tolgoi havid ni avaachaad ch yum uu, neg uguulel bichsen bol deer bus uu. hairan yumiig yarin bolgoh yum aa.

ene temdegleliig ingej hainga bichlee gedeg chini "chinii tarhi chini tsaanaa 1 uchir" busad hiij baigaa yum chini ch bas l zambaraagui boloh yum bish uu.

zaluu hun aldana zasaad neg ahdaa haruulaarai :) geh shig

eebee said...

Би энд өөрийнхөө ярьдаг маягаар бичих гэж оролдсон юм. Би дандаа ингэж буруу яриад байдаг юмаа. Энэ бол зүгээр л нэг сайхан, хөгжилтэй, тэмдэглэл шүү. Түүнээс ном зохиолд орох зүйл биш

anugaas said...

sonirholtoi niitlel bna. Pr-iin huvid bol eebee hiigeed bsan yum alga l bna shde, minjeegiin mundagiig humuus medeh hoino ene neeh pr ene terseed baih yum haragdahguil bn.
dashramd helehed minjeedee amjilt husie sharguu uudrug zan chin urgelj amjilt avchrah boltugai

minjee said...

31nees ehlen 7honog buriin davaa garigt mongol restauran ajillaj bhaar bolloo hayag: 158A shepherds bush road w6 7pb utas 07536799784
buh drink 40%-iin hyamdraltai zuvhun mongolchuuddaa huuchin mimouza restaurand ajillahaa bolisoniig medegdeye! bidnii shine gazar n iluu tohilog baina gedegt naidaj bna!

batbayar oirad said...

eebee minjeetei uulzsan tuuhee uguulj bgaa n enuu hehe, minjeegiin potentsial mash undur uchir n aav n ih tolgoitoi hun bgaam shde gen uvlugdsun gehdee hudulmur ch huuhed ih zangii n es tootsuul ireeduitei duudee mash ih amjilt husie hicheegeerei minjee

Anonymous said...

mash goyo orchintoi amttai hooltoi saihan gazar bn le bayarlalaa

minjeedee ulam ih amjilt husie

gerel said...

huuh ene minjee bjee, hamgiin turuund minjeedee heleh n zuitei boluu restauran hool geel buh zuil goyo bolson bna le saihan tohiromjtoi orchin mongolchuuddaa zoriulj burduulsend bayarlalaa
ulam ih humuus ireh boltugai amjilt

Anonymous said...

sain bnaa sain ch huuhed bna le minjeedee zahihad ureglh ene ercheeree bgaaral gej husie hezee ch yuch tohioson buu shantraaraai chi nadad taalagadddag shuu

Minjee said...

Udurjin gertee suusaar, ajillasaar, hicheelleseer amidral utgagui ch yum shig! Za yer n enjoy amidrahiin tuld garnaa, garlaa geed neeree haachih bilee ho??
Mongol pub ordiin biluu orohoor chimee shuugian arhi pivonii uner geed neg l bishee...daraal bolii!!
Mango lounge oroy Biligee tend neg dajgui gazar ajilluulj bgaa suragtai, oo tegii daanch mongol hoolgui...daraal bolohoos!!
Mongol tuvruugee l ochii doo harin ee... arhi pivonii zuvshuurultei biluu... Tiishde daraal bolii!!
...Za baiz haachih ve hugshuun?? aan sanalaa end neg Minjee gedeg bichkeen huuhed Shepherds Bush-d Mongol restauran ajilluulj bgaa gesen ih tohilog gej humuus tsuurch bna le buh uuh yum n 40%-n hyamdraltai genuu tegeed 8-s deesh hun zahialga ugvul 8% hunguluhiin bhoo, bas minii hairtiin tursun udur unuudur shuu de az bolj "UNEGUI" uilchilgeeg hurtehiin bna shde (amtat hool+wine+dessert and surprises)..............
Za shuud hudluy yughev tsag aldaad oroitchloo 5pm-12am hurtel gesen. Ehleed neg yariad shiree zahialchii hairaa yumiig yaj medehev busy baih ch biluu 07536799784 dugaarluu zalgaadahaach hugshuun!!!

Batnasan said...

hehehe yasan huurhun surtalchilgaa ve ovoo gar yumaa

Anonymous said...

Minjeed amjilt husej bna mundag ohin shuu

Anonymous said...

Bi bas tanii utasiig avii zalgii uulzii ! daraan PR hiilgii geeloo ^^