Wednesday, 16 July 2008

Болжморын жиргээ

Дуулснаа давтдаггүй
Туулснаа дүгнэдэггүй
Илүүг хүсдэггүй
Өөрсдөө сонгодоггүй
Тэнгэрийн тааллаар
Бид амьдарцгаадаг.
Алдар мөрөөсөж
Тайз голдоггүй
Амьдын чимэг
Сэтгэлийн илч минь
Саранд хүрэхгүй ч
Зүлгэнд шингэдэг.
Жиргэх хүслээ
Зүрхэндээ тээсээр
Саргүй шөнийг
Бутны ёроолд үдэхдээ
Жавартай үдшийг
Мандах нарнаар умартан
Өөрт байснаа
Бусдад түгээсэндээ
Бид харамсдаггүй.
Өнөөдөр бид
Зүрхэндээ эргэлзвэл
Маргааш жиргэхээ болино.
Өнөөдөр бид
Жиргэхээ боливол
Маргааш эндээс явцгаана.
Дуугаан зохиодоггүй
Дуундаа сонгогддог
Дуулснаа давтдаггүй
Туулснаа дүгнэдэггүй
Тэнгэрийн тааллаар
Бид амьдарцгаадаг.

1996.7-

1 comment:

Anonymous said...

shuleg neg l bolohgui bnaa, niitlel bichihdee dajgui shd