Monday, 26 February 2007

Онигоо

Онигоонд оруулна шvv !
Монголчуудын ярианы хэллэг.

Онигоо гэгч орос ахтай
Онцын утгагүй атмаан үг.
Олноос салвал онцлох нэр
Осолдохгүй явахыг сануулсан тэмдэг.

Онигоо гэгч мангаа үг
Онигоогоо чирвэл улаан шившиг
Гозойгоод босоход шалчийлгах лантуу
Гэндээд орчход салахгүй жонхуу.

Онигоо гэгч жиг жуг
Уруулаас унасан чих халууцуулагч
Халуун ярианы гол түлэш
Баатар нь тодорхой авторгүй үлгэр.

Онигоо гэгч нэрэнд халтай
Алдарын боолчуудын сүнсийг зайлуулагч
Эцэхээ мэдэхгүй нисдэг шулам
Барихаар бултдаг залины хөрөнгө.

Онигоо гэгч амттай идээ
Давслах тусам чихэрлэг болдог
Зүгээр суухад зугаатай
Хошуугаар зүлгэгдсэн мөлчгөр хоргол.

Онигоо гэгч чалхтай эд
Хамгийг нэгтгэх хуурамч инээд
Сүрхий эрсийг хүүхэнд хувирган
Сүргийн эмсийг найраагүй хүчиндэгч.

Онигоо гэгч намба шалгагч
Намба заавал намжих вирус
Тулаад зогсоход араас шаах
Хойноос чулуудсан хүйтэн авиа.

Онигоо гэгч хошного ухагч
Олигтой үүрэггүй 0-ын цаас
Баас тахисан сүргийн сүнс
Баахад садаа хатсан ялгадас.
Онигоо гэгч…
2004.02.21

No comments: